Kounye a, Fondasyon Woz e Blan (Fondation Rose et Blanc, FREB an fransè) antre nan rezo plis pase 100 kolaboratè ke Inivèsite Nasyonal Agrikilti Vyetnam (Vietnam National University of Agriculture, VNUA an anglè) genyen.
Madi 3 desanm 2018, alatèt Fondasyon Woz e Blan, Sophia Martelly siyen yon akò ak Inivèsite Nasyonal Agrikilti Vyetnam ki te genyen kòm reprezantan, prezidan inivèsite a, pwofesè Nguyen Thi Lan.
Akò sa-a ap pèmèt fòmasyon gratis e ki pa dire lontan pou etidyan nan sektè agrikòl. Pwogram sa-a rive tabli gras ak sipò sektè prive Vyetnam ak Ayiti.
